14/5/13

PREMIO COMPOSTELA DE ÁLBUM ILUSTRADO


O VI Premio Internacional Compostela de Álbum Ilustrado convocado polo concello de Santiago e a editorial Kalandraka recaeu na arxentina Mariana Ruiz Johnson (Buenos Aires, 1984).
A obra presentouse co título Mamá. Dela, o xurado destacou "a vitalidade, a forza e o manexo da cor dun libro que traballa un tema universal e especialmente próximo ao mundo da infancia", así como "o pequeno e logrado homenaxe que realiza a autora a grandes figuras da historia da pintura".
O xurado destacou tamén con mencións especiais os traballos Panda, de Marcos Guardiola Martín e mais Un día calquera, de Cristina Martín Recaséns.
Nesta convocatoria, foron 374 os traballos presentados, procedentes de 21 países, o que fala da repercusión deste galardón.  
Agardamos a súa publicación "como auga de maio"

No hay comentarios: