![](https://blogger.googleusercontent.com/img/b/R29vZ2xl/AVvXsEhhLnw5nD7axIjpvEdfxJvUjC6WHYrQ4ecwyDloKPQ-8UOqeO7zECX0PaDSqKS7zFVxRO43MHzEPr868MmaUWJl8dfe95z3gj5-mc5ZZ4H6RcdblOuH98rJSR2qp1Jo4RLKdEOIQ22IaXY5/s320/celso.jpg)
![](https://blogger.googleusercontent.com/img/b/R29vZ2xl/AVvXsEiLOQuLmcK49b9EMOyRuQifCHxa0oRXpojZb4Ht0T-f3LApqYH3QhztGz_DUyZnU_kMJoiBsEfpAYYVlTPFhYfvy8hGZS2hozkKa52J5hrIiJ8u-Zydf5WIYUM5ztaDg9_UFxQtHZtSbvwN/s320/celso-emilio-ferreiro140%255B1%255D.jpg)
Pois si, o próximo ano 2012 será tamén ano de Celso Emilio Ferreiro, así o declarou o Parlamento de Galicia. Neste 2012, cumpriranse cincuenta anos de Longa noite de pedra e o autor cumpriría cen este vindeiro 4 de xaneiro.
Xa fixeramos unha entrada coa selección poética de Kalandraka, pero este será un bo momento para lembrala, e xunto a ela, as antoloxías realizadas nas Ediciones de la Torre, editora á que tanto temos que agradecer cando falamos de poesía e infancia/xuventude. Este selección fora realizada por Antonio García Teijeiro.
Tamén podemos atopar, poemas seus musicados en Son de poetas. É o caso de "Monólogo do vello traballador", "Deitado frente ao mar", "Irmaus", "Lendo certo período menstrual", "Longa noite de pedra" e os de amor: "Eu en ti" e "Xaneiro 1972 II".
Volver a Celso Emilio Ferreiro será un pracer.