8/6/15

Agustín Fenández Paz, premio dos clubs de lectura 2015

As memorias dos clubs de lectura inclúen un apartado onde deben recollerse os libros lidos por cada un deses clubs. Os resultados fanse públicos no blogue Ler en mancomún e nos cadernos de bibliotecas escolares de Galicia.
Por primeira vez, o 23 de abril deste ano, a Dirección xeral de Centros e Recursos Humanos publica unha resolución pola que se concede o premio dos Clubs de Lectura ao autor máis lido polos Clubs no curso anterior. E recae en Agustín Fernández Paz. El é merecente deste e moitos máis premios; os seus libros para mozos e mozas son recoñecidos cos premios máis salientables da literatura xuvenil, (Nacional de Literatura Infantil e Xuvenil, Lazarillo, Jove, Edebé, Lista de Honra do IBBY, Lista dos White Raven...), con maior número de edicións e traducións e máis idiomas.
O autor, que non puido asistir á VIII Xornada dos Clubs de lectura por motivos de saúde, foi representado polo seu editor, Manuel Bragado.
O premio, unha peza de Cuqui Piñeiro, para lembrar ese día, ese ano, esa obra completa ao servizo da construcción lectora
Grazas mestre!

No hay comentarios: