21/1/13

BANDA DESEÑADA DE ÉXITO



Con motivo do final de ano 2012, varias publicacións aproveitan para pasar un repaso á produción, e incluso elaborar o seu propio hit parade.
Desta maneira, enteirámonos que Emma Ríos, a autora do cartel Biblioteca escolar, última xeración está entre as debuxantes do ano para a web Comicsbulletin que a coloca no seu Top Ten Comic Artist 2012. Os críticos Dylan Tano, David Fairbanks, Steve Morris, Danny Djeljosevic, Chris Kiser, Shawn Hill, Zack Davisson e Keith Silva, que elaboran a lista, destacan a súa capacidade á hora de planificar as páxinas e, de xeito especial o seu traballo na obra Doctor Strange: Season One.   
Praza Pública faise eco das listaxes estatais  nas que destacan tamén, os últimos traballos doutros galegos como David Rubín (El héroe 2) e Miguelanxo Prado (Ardalén) nas recomendacións do xornal ABC, en TVE ...
Miguelanxo Prado é autor doutro dos carteis Bibliotecas escolares, espazos de lectura.
Estamos de noraboa!

No hay comentarios: