Premios Irmandade do Libro da Federación de Librarías de Galicia

O pasado fin de semana entregáronse os Premios Irmandade do Libro que cada ano convoca a Federación de Librarías de Galicia, na vila de Rianxo, un dos lugares máis emblemáticos de Galicia a ese nivel, pois foi casa natal de Manoel Antonio, Castelao e Rafael Dieste, así como de Paio Gómez Chariño, Brea Segade e varios máis.

Os premiados foron a poeta Chus Pato na modalidade de autora; O CPI Manuel Suárez Marquier (O Rosal) na modalidade de Centro de Ensino, a tradución do Ulises de James Joyce (publicado por GALAXIA) na modalidade do Libro do Ano 2013, a colección ‘Cociña infantil e familiar’ da editorial Ouvirmose na modalidade de Obra Editorial, a Biblioteca Municipal Valle-Inclán (Redondela) na modalidade de Fomento da Lectura, a libraría Ramón Cabanillas de Cambados na modalidade de libraría, e na nova modalidade do galardón incorporada este ano, a de Libro Infantil e Xuvenil do Ano 2013, foi para a triloxía Ámote Leo, de Rosa Aneiros, publicada por Edicións Xerais de Galicia.