O Principiño, de novo

 

Volver ao Principiño, unha e outra vez, é retornar ao mellor da infancia, á inocencia, á mirada limpa pero crítica, ao fundamental e profundo da existencia. 

Agora, da man de Pinto e Chinto, volvemos a atopar a este personaxe universal no álbum O estrambótico Principiño, publicado por Bululú. É o rei, que un día foi Principiño, quen nos conta o que realmente sucedeu.

Arredor d´O Principiño

A volta do Xove Príncipe de Alejandro Guillermo Roemmers (Bos Aires, 1958) retoma o personaxe de Saint-Exupéry que regresa de mozo ao planeta Terra, para mostrarnos a súa visión da actualidade.

O Principiño é recollido, á beira da estrada, por un condutor que atravesa a Patagonia, e xuntos realizarán esa viaxe iniciática na que abundan as reflexións sobre as grandes cuestións do ser humano, a modo dunha parábola sobre o mundo actual.

Traducida por Luís González Tosar, e ilustrada por Laurie Hasting aparece da man de Galaxia.

É a hora de lembrar que anda o Principiño en animación polas televisións do mundo e que en galego contamos coa versión de Carlos Casares, unha das mellores traducións que desta obra se teñen realizado.

Un libro para a negra sombra

É un clásico. A referencia continua a esa negra sombra que acostuma acompañarnos para poder explicar as zonas de escuridade. 

Pois ben, a negra sombra volve a Rosalía a través dun conto infantil de Miro Villar, magnificamente ilustrado por Xosé Cobas, A pantasma da casa da Matanza.

Editado por Biblos, este conto rimado que fora publicado por primeira vez nunha edición colectiva e non venal (Quen casa ten de seu) conta co Premio Neira Vilas ao mellor libro infantil e xuvenil da AGE (Asociación Galega de Editores).

 

Escritor portugués de alma galega

 

A Pedro Miguel Rocha téñeno definido como escritor portugués de alma galega, en base a que as temáticas, os personaxes a localización das súas historias e todo o tecido das súas obras teñen un inequívoco selo galego.
Ata o de agora, son catro os títulos dados a coñecer por este docente de Literatura Portuguesa, tamén editor na referencial Porto Editora e aínda investigador: Juntos temos poder (2009), Chegámos a Fisterra (2010), O eremita galego (2011, Prémio Literário Maria Ondina Braga) e os ben recentes Contos peregrinos (2014).
Os quince relatos que compoñen Contos peregrinos son un exemplo acabado de irmandade luso-galega, non só porque en varios deles o protagonismo e mesmo a localización sexan nosas, senón porque cada conto se acompaña dun posfacio escrito por diferentes autores entre os que se contan tres galegos (o novelista e profesor Carlos Quiroga, o narrador Séchu Sende e Armando Requeixo). Son, amais, historias que defenden a necesidade da utopía, das utopías, afirmando a confianza na consecución dun mundo futuro mellor, ecolóxico, onde o respecto pola diferenza sexa moeda común e o librepensamento a única bandeira. Neste sentido, as narracións de Contos peregrinos afincan moi visiblemente na práctica da pluralidade multicultural, no respecto idiomático e a convivencia dos distintos vehículos lingüísticos da área luso-galega.
O carácter peregrino desta narrativa, o que nela hai de alusivo aos camiños composteláns, é tamén un acerto que presenta a cidade do Apóstolo como símbolo e crisol de mundos, de culturas, un territorio común e universal, camiño aberto polo que transitar a vida e aprender dela.
Así se nos contaba!

A revista de literatura infantil Peonza dedica un monográfico ao escritor Agustín Fernández Paz

A revista de literatura infantil e xuvenil, Peonza, dedica o seu número 108 a Agustín Fernández Paz.

Artigos de varios especialistas van complementando esta visión, tal como podemos ver no sumario editorial, a modo de avance:

Xavier P. Docampo: Escribimos lo que somos. 
Xavier Sentín: Un escritor comprometido con su tiempo.
Isabel Soto: La repercusión de la memoria histórica.
José Luis Polanco: El oficio de educar.
María José Fernández: Voces de mujer.
Martin Pawley: El cine de Agustín 
Agustín Fernández Paz: Reflexiones sobre la precariedad laboral. 
ENTREVISTAMOS A
José Luis Polanco: Agustín Fernández Paz 
BIBLIOTECA AGUSTÍN FERNÁNDEZ PAZ
MIL PALABRAS PARA UNA IMAGEN
José Luis Polanco: La carpintería del oficio.
ILÚSTRATE
Mireia Manresa y Lara Reyes:El álbum y el hábito lector.
ENTRE VIÑETAS
Juan Gutiérrez Martínez-Conde: Vidas más o menos ejemplares.
NUESTRO ILUSTRADOR
Javier Sobrino: Miguelanxo Prado.
BIBLIOTECA
NOTICIAS
Por Javier Flor Rebanal.
COLOFÓN
GALERÍA