Por que está triste Miañas? de Ángela Fernández Rey, resultou ganadora da X edición do "Premio Pura e Dora Vázquez de Narración", que convoca a Deputación de Ourense. O xurado destacou da obra premiada o feito de que fomenta e transmite o sentido do compañeirismo, a amizade e a solidariedade entre os nenos; o áxil ritmo narrativo e unha linguaxe perfectamente acaida para o público infantil; o rápido ritmo narrativo da historia que "atrapa" ao lector de principio a fin e cuns diálogos moi ben conseguidos; a orixinalidade do enfoque narrador da obra (que radica en que transmite a través dos animais os valores máis destacados do ser humano) e a capacidade para poñer en valor o fomento da literatura dirixida aos máis novos e o xénero literario da fábula.
Ao tempo, o xurado, declara que a edición permitirá acadar un perfecto equilibro entre narración e ilustración ao quedar aberta o certame X Premio Pura e Dora Vázquez de Ilustración, por medio do cal esta obra será enviada aos interesados en participar que poderán entregar os seus traballos ata o 20 de decembro deste ano.
No hay comentarios:
Publicar un comentario