O pasado 16 de decembro fíxose público o Premio Estornela de Teatro para nenos, convocado pola Fundación Neira Vilas.
O xurado acordou fallar a VII edición de dito premio en favor de Diana Varela Puñal, pola súa obra Arlequino Viceversa. Da obra gañadora os membros do xurado apreciaron o ben logrado movemento escénico, a amenidade da trama, o léxico rico e asequible, a alusión á cultura popular (entroido, filloas, etc), a cordial relación interxeracional e a transmisión de valores humanos integrada no seo da familia, así como a relación cordial entre nenos e nenas.
Dada a calidade das obras presentadas, o xurado considerou oportuno conceder mencións de honra ás obras A fraga das árbores das palabras de Carlos Labraña e O corazón do bosque de Lino Braxe.
Aquí podemos ver aos premiados anteriores.
No hay comentarios:
Publicar un comentario