O premio Lazarillo volve a Galicia

Con Castelao, entre as mans.

María Solar, coa obra O meu pesadelo favorito, é a ganadora do premio Lazarillo de Literatura infantil 2014.

O último premio Lazarillo que recalara en Galicia fora para Marcos Calveiro con O pintor do sombreiro de malvas.

Sempre nos enche de ledicia un premio, sempre é un recoñecemento para a nosa literatura, pero aínda máis cando lle corresponde a unha muller que xa leva un tempo alimentando o sistema literario galego con obras como Vou ter un irmán!, O tempo do revés, Boa sorte, O fillo do pintamonas, As meigas de Lupa, A verdadeira historia da mosca da tele...

A xornalista e presentadora da radio e a televisión de Galicia, a quen lembramos nos magníficos Zig zag da TVG, conta tamén cos cadernos didácticos Ecoloxía na aula e O libro do noso mar da editorial Lea.

Lembramos tamén, que a súa novela xuvenil As meigas de Lupa é un dos textos que pasou a transformarse en narrativa transmedia, tal como aparece recollido na seguinte entrada de Rede Lectura. 

Parabéns!