Teatro para pequenos: O lobo e a lúa

A actriz, guionista e directora teatral Andrea Bayer  acadou o premio Barriga Verde na modalidade de teatro para rapaces con O lobo e a lúa, na súa edición de 2014.

Nesta peza teatral, publicada agora por Baía Edicións e ilustrada por Chus Ferrín, os personaxes non son o que a priori pensamos e van axudar a resolver o enigma de por que o lobo quere falar coa lúa...

Segundo a propia autora, trátase dunha “peza teatral tenra, divertida e intrigante na que os seus personaxes –Nina, a tartaruga; Duarte, o elefante, e Miñao, un gato malhumorado– conviven a pesar das súas diferenzas”.
A autora dános moitas pistas para a súa representación.